Եթե Մարիամը անմեղ էր, ինչո՞ւ էր նրան անհրաժեշտ Փրկիչ։

Մարդկային սերնդի բոլոր անդամները մեղանչեցին, երբ մեր առաջին ծնողները՝ Ադամն ու Եվան, մեղանչեցին։ Ուրեմն բոլորս էլ փրկության կարիք ունենք։ Բոլորս էլ մեր մկրտության միջոցով փրկվեցինք և ազատվեցինք մեղքի գերությունից։ Մենք այս փրկությունը ստացանք շնորհիվ Հիսուս Քրիստոսի մահվան և հարության։ Նա է, որ իրագործեց մեր փրկությունը, և մենք Սուրբ Հոգու միջոցով որդեգրվեցինք Աստծո կողմից։ Սրբուհի Մարիամ Աստվածամայրը նույնպես փրկության կարիք ուներ։ Քանի որ Աստված հավիտենականության մեջ է, Նրա համար ժամանակը գոյություն չունի այնպես, ինչպես գոյություն ունի մեզ համար։ Այն հատուկ շնորհով, որ Աստված տվեց Մարիամին, Նա Մարիամի փրկությունն իրականացրեց՝ նախապես նրան տալով փրկության շնորհը՝ դեռևս Հիսուսի՝ ժամանակի մեջ մահանալուց և հարություն առնելուց առաջ։ Կարևոր է, որ հասկանանք և հավատանք, որ որքան էլ Մարիամը շատ հատուկ անձնավորություն է, նա, վերջիվերջո, արարած է։ Մենք բոլորս կուրախանանք և կհպարտանանք, որ մեր ցեղի մի անդամ ամենօրհնյալ է և արժանացել է, այդ հատուկ կացությանը՝ լինելու Աստվածամայր։ 

Վերջերս  Հայր Անտոնին կրոնի վերաբերյալ բազմաթիվ հարցեր են ուղղել։ Այս հաղորդման ընթացքում նա կպատասխանի դրանց։ Իսկ եթե դուք ևս ունեք հարց, կարող եք ուղարկել այն մեզ։ Գուցե հենց ձեր հարցն էլ դառնա հաջորդ հաղորդման թեման։