Երկրորդ օր

                                             Հանուն Հոր և Որդու և Սուրբ Հոգու։ Ամեն։

Օրհներգս

Աստված իմ, շնորհակալ եմ Քեզանից, որ մեր ազգին նիրեցիր մի նոր սուրբ՝ Երանելի Իգնատիոս Մալոյանին։ Նա գիտեր և կարողացավ ապրել ու մեռնել Քո փառքի և հոգիների փրկության համար։

Աստվածային Փրկիչ  իմ, Քեզանից սրտանց շնորհակալ եմ նաև, որ ընդունեցիր իննօրյայիս աղոթքները՝ կատարելով խնդրանքս։ Իմ խաչված Տեր, մեր ազգից ընտրիր սրբակենցաղ և առաքինի անձինք՝ թե՛ աշխարհական և թե՛ հոգևորական, որոնց  միջոցով ապրենք քո ներկայությամբ ու խոսքով, որի համար նախապես ուզում եմ Քեզ շնորհակալ լինել։

-Եթե դրանցից մեկը ես լինեի, այսօր ու հավետ Քեզ իմ սրտագին շնորհակալությունը, ո՛վ Տեր։ Ամեն։

Սիրերգս

Սիրամա՛յր, Եկեղեցու աստվածադի՛ր Մայր, Քեզ եմ հայտնում որդիական երախտագիտությունս, որ շարունակ սրբեր ու վկաներ է հատուցանում Աստվածային Որդուդ Եկեղեցուց։

Մարիա՛մ, քահանաների անփոխարինելի Մայրն ես։ Շնորհակալ եմ Քեզնից, որ ընտրեցիր Երանելի Իգնատիոսին և իրեն տվեցիր սիրո ու հավատքի քաջություն՝ հավատարիմ մնալու և նահատակվելու։

Մարիա՛մ, Սիրամա՛յր, Դու իմ անզուգական Մայրն ես։ Շնորհակալությանս ավելացնում եմ նաև սիրաբախ սրտիս տրոփյունը, որ ինձ արժանացնես՝ դառնալու վկան իմ ազգի և հավատքի։ Ամեն։

Գովերգս

Ո՛վ Երանելի Իգնատիոս, լսեցիր աղոթքս, որի համար երախտապարտ եմ քեզ։ Դու գիտես շնորհակալությանս սահմանը, որն անսահման է և գիտես հարգանքս միայն խոսք կամ գիր չլինի, այլ նաև դառնա ու մնա գործ, ապրում և վկայություն։ 

Այո՛, այս մաղթանքն իրականացնելու համար քո մշտական օգնության կարիքն ունեմ և լիահույս եմ, որ այն ինձ չես խնայի։ Ամեն։

Տերունական աղոթք (Հայր մեր) 

Հրեշտակային աղոթք

Փառատրական աղոթք