Ո՛վ Երանելի Իգնատիոս, գիտեմ՝ և՛ խոսքով, և՛ գործով դու սիրեցիր Տիրամորը։ Դրա համար աղերսագին խնդրում եմ Քեզանից, որ ինձ էլ սովորեցնես սիրել Մարիամին։

-Ինքն է Ասվածածինը, Կուսամայրը, Անարատ Հղին, Վերափոխողը, Եկեղեցամայրը, Մարդամայրը, Տիրամայրը, իմ Մայրը։

Քո որդիական սերը և հարգանքը հատկապես ցույց տվեցիր՝ ամեն օր Ս. Վարդարանը աղոթելով։ Խնդրանքս է, որ ինձ էլ ջերմեռանդ դարձնես այս ամենահզոր աղոթքի հանդեպ։ Մեր նախահայրերն ինչպիսի՜ ջերմեռանդությամբ դարերից ի վեր կատարել են այս Մարիամյան բարեպաշտությունը։

Բանտում և տարագրության  ընթացքում դու և տարագիր ընկերներդ, բոլոր Մարիամասերներդ աղոթեցիք Ս. Վարդարանը։

Ընդօրինակելով նրանց ու ձեր հավատարմությունը և հատկապես քո օրինակին հետևելով՝ ես էլ եմ ուզում սիրել և օրհնել Հայամայր Մայրիամին, երբ սկսեմ ու շարունակեմ ամեն օր Ս. Վարդարանը ասել։

Այսպիսով, ո՛վ Երանելի Իգնատիոս, ինձ դարձրու Մարիամասեր։ Ամեն։