Երկրորդ օր

                                    Հանուն Հոր և Որդու և Սուրբ Հոգու։ Ամեն։

Աղաչանքս

Երանելի՛ Իգնատիոս, բախտավոր էիր՝ լինելով բարեպաշտ ընտանիքի զավակ, որի առաջին մտահոգությունն էր կրթել իր զավակներին՝ Տիրոջ ներկայությամբ ապրելու համար։ Խնդրի՛ր, որ մեր ընտանիքները վերադառնան դեպի ընտանեկան սրբություններին ու բարեպաշտություններին, որոնց կորստով մեր հարկերը նմանվել են այն վայրերին, որտեղից հեռացել է Աստծո հոգին։ Երանելի՛ Իգնատիոս, արդեն մանկությունիցդ հաստատեցիր քո եկեղեցասիրությունն ու կրոնասիրությունը։  Ծննդավայրիդ՝ Մարտին քաղաքի եկեղեցին էիր գնում մայրիկիդ հետ, ապա ամեն օր  սպասավոր էիր Ս. պատարագում։ Պատանիներն ու օրիորդներն այսօր չեն այցելում մեր եկեղեցիները, նրանք իզուր են փնտրում իրենց  ուրախությունն ու խաղաղությունը Տիրոջ տաճարից դուրս։ Համոզիր մեր երկսեռ երիտասարդությանը և նրանց ետ դարձրո՛ւ իրենց հավատքի ակունքին՝ Եկեղեցուն, որ կարողանան ունենալ իրենց երջանկությունը։ Նաև ամբողջ սրտով պաղատում եմ քեզ, որ կատարես իննօրյայիս աղաչանքը (այստեղ հիշի՛ր քո խնդրանքը)։ Շատ լավ գիտեմ , որ դու կարող ես և ուզում ես իրագործել դիտավորությունը։ Այս գիտենալով՝ խնդրում եմ, որ դու կարող ես և ուզում ես իրագործել դիտավորությունը։ Այս գիտենալով՝ խնդրում եմ, որ Աստվածամոր միջնորդությամբ ինձ բարեխոսես Տիրոջը, որ բարեհաճի գթալ մեր ընտանիքներին և լսի իմ սրտաբուխ աղոթքը։ Ամեն։

Աղոթքս

Երանելի՛ Մալոյան, չնայած 27 տարեկանում ձեռնադրվեցիր կուսակրոն քահանա Զմմառյան Միաբանությունում, սակայն դեռ պատանի ու երիտասարդ հասակից նվիրված էիր Տիրոջը և Հոգիների փրկության գործին։ Ձեռնադրությանդ ուշացման պատճառը քո հիվանդությունն էր, որի հետևանքով ստիպված ընդհատեցիր ուսումդ ու չմնացիր Տիրամոր Վերափոխման Զմմառավանքում, այլ վերադարձար ծննդավայր։ Այնտեղ բուժվեցիր ծնողական գուրգուրանքով ու բժիշկների հսկողության ներքո։ Երեք տարի բացակայելուց հետո վերադարձար սիրելի վանքդ, ուր կարողացար ավարտել ուսումդ և օծվել քահանա։ Կյանքիդ այս դժվարին պայմանների դիմաց նախ խնդրում եմ, որ դու կատարես իննօրյայիս դիտավորությունը։ Երկրորդ՝ ինձ և բոլորին մանավանդ երիտասարդներին սովորեցրու, որ մեզնից ոչ մեկը չնահանջի նեղության մեջ ընկնելիս և չընկճվի ցավի մեջ։  Հիմա, գիտեցի՛ր, որ քեզանից սպասում եմ խնդրանքիս կատարումը, որ ներկայացնում եմ Տիրոջը՝ Երկնային Մոր միջնորդությամբ։ Ամեն։

      Տերունական աղոթք (Հայր մեր)

      Հրեշտակային աղոթք                           

      Փառատրական աղոթք